2025 թվականի հուլիսին Հունգարիայում բնակվող հայ երիտասարդների մի խումբ մասնակցեց «Քայլ դեպի տուն» ամենամյա կրթական և մշակութային ծրագրին՝ երկու շաբաթ տևողությամբ, որը տեղի է ունենում Հայաստանում և կազմակերվում է ՀՀ Սփյուռքի գործերի գլխավոր հանձնակատարի գրասենյակի կողմից։ Ծրագիրը ամեն տարի հնարավորություն է ընձեռում Հունգարիայի հայ երիտասարդներին մասնակցելու ծրագրի երեք փուլերից մեկին, որոնք տեղի են ունենում հունիսին, հուլիսին կամ օգոստոսին։

Ծրագրի շրջանակում երիտասարդները մասնակցում են հայերենի դասընթացների(արևելահայերեն և արևմտահայերեն), սովորում են հայկական երգեր և պարեր, այցելում են թանգարաններ և պատմական վայրեր, հանդիպում պետական, հասարակական, մշակութային ու գեղարվեստական գործիչների հետ, ինչպես նաև մասնակցում են սպորտային միջոցառումների։

Հոդվածը՝ Շողեր Մանուկյան,  2024-1-HU01-ESC51-VTJ-000207879

Լուսանկարները հրապարակեց ՝ Շողեր Մանուկյան, 2024-1-HU01-ESC51-VTJ-000207879