Հանդիպմանը կողմերը մտքեր փոխանակեցին Հայաստանի և Հունգարիայի միջև տարբեր ոլորտներում համագործակցության ակտիվացման անհրաժեշտության շուրջ։ Անդրադարձ կատարվեց երկու երկրների քաղաքների միջև ապակենտրոնացված ձևաչափով համագործակցության հաստատման համար առկա հնարավորություններին, կարևորվեց այս ուղղությամբ համատեղ քայլերի ձեռնարկումը։

Հանդիպմանը մասնակցում էին Հունգարիայի խորհրդարանի պատգամավոր, հայկական ինքնավարության ներկայացուցիչ Նիկողոս Հակոբյանը և ՀՀ դեսպանության երրորդ քարտուղար Դավիթ Տեր-Մկրտչյանը։